basquexport

Euskal esportatzaileen plataforma nagusia

Euskadiri buruz

Euskadi industriako hornitzaile esanguratsua da, tradizioa eta abangoardia uztartzen dituelako eta ekoizpenean bikaintasunezko eta kalitatezko ospe handia duelako. Eskualdea erreferentea da berrikuntza teknologikoan eta zentro teknologiko aurreratuak eta 4.0 Industria dezente ditu. Gainera, bere kokapen estrategikoari esker merkatu global nagusietara hel daiteke eta jasangarritasunarekiko eta erantzukizun sozialarekiko duen konpromisoak balioa gehitzen die bere produktu eta zerbitzuei.

Tradizioa, Teknologia eta Kalitatea

Euskadi ezaguna da industriako tradizioarengatik, berritzeko duen gaitasunarengatik eta kalitatearekin duen konpromisoarengatik. Industria-politikei, berrikuntza-politikei eta denboran zehar sostengatutako teknologiari esker, Euskadiko industria ezagutzaren eta berrikuntzaren arloko mundu erreferente bihurtu da; nazioarteko merkatuei irekita dago, oinarri sendoa du eta eduki teknologiko handia.

Gertutasun geografikoa:

Lehiakortasunerako lasterketan murgilduta dago ekonomia globalizatu honen barruan eta kokapen pribilegiatua du Europako merkatu nagusietarako sarbidea baitu, Europako Ardatz Atlantikoaren erdian kokatuta dagoelako.

Egonkortasuna eta konfiantza

Euskadik ekonomia sendoa eta dibertsifikatua du eta zerga- eta finantza-autonomia. Horrek negozioentzako ingurune egonkor eta fidagarria eskaintzen du.